Bakı-Sumqayıt yolunda tıxaclar havanı zəhərləyir!

Bakı-Sumqayıt yolu son illərdə nəqliyyat sıxlığının ən çox müşahidə olunduğu əsas magistrallardan birinə çevrilib. Xüsusilə səhər və axşam saatlarında yolda uzunmüddətli tıxaclar yaranır. Mütəxəssislər və bəzi ekoloqlar bildirirlər ki, nəqliyyat sıxlığı yalnız hərəkətin intensivliyinə deyil, havanın keyfiyyətinə də təsir göstərir.

Minval.info xəbər verir ki, avtomobillərin intensiv hərəkəti nəticəsində atmosferə atılan zərərli tullantılar Bakı-Sumqayıt yolunu hava çirkliliyi baxımından da diqqətçəkən ərazilərdən birinə çevirib. Bu vəziyyət sürücülərin də narazılığına səbəb olub. Onlar yollardakı vəziyyətdən bezdiklərini və problemin həll olunmasını tələb edirlər.