Bakı sakini marketdən yumurta aldı, içərisindən qan rəngində... - VİDEO

Binəqədi sakini marketdən yumurta alıb evdə istifadə etmək istədikdə içərisində qan rəngində maye olduğunu görüb.

Minval.İnfo xəbər verir ki, “XəzərXəbər” yumurtada bu mayenin necə yarandığını və yarada biləcəyi fəsadları araşdırıb. Qida mütəxəssisləri bildirir ki, belə qırmızı rəngli mayelər yumurtada uzun müddət saxlandıqda baş verir və istifadəsi tövsiyyə olunmur. Quşçuluq Cəmiyyəti isə əksini söyləyir.

Binəqədi rayonu, Çiçək qəsəbəsində yaşayan Həsrət Cəfərov marketdən aldığı yumurtanı sındıranda bu görüntü ilə qarşılaşıb. Yumurtanın içərisində qan rəngində əlavə maye müşahidə olunub. Həsrət Cəfərov bildirdi ki, həmin yumurtanı istifadə etməyiblər və atmağa qərar veriblər.

Məsələ ilə bağlı Azərbaycan Quşçuluq Cəmiyyətinin rəhbəri Aydın Vəliyev isə bildirdi ki, yumurtanın içərisində qana bənzər mayenin olması toyuqların yeni yumurta qoymağa başladığı vaxtlarda baş verir. Onun sözlərinə görə, belə yumurtalar heç bir təhlükə yaratmır və yeyilə bilər.

Minval.İnfo