Bakı-Quba yolunda aşan ağac hərəkəti çətinləşdirdi

Sentyabrın 7-də səhər saatlarından etibarən başlayan güclü külək Quba rayonunda ciddi fəsadlara səbəb olub. Bakı-Quba yolunun Qaraçay kəndi ərazisindən keçən hissəsində iri bir ağacın aşması nəticəsində yolun hərəkət hissəsinin bir qismi bağlanıb. Minval.info xəbər verir ki, hazırda yolun bir hissəsi açıqdır və nəqliyyat vasitələrinin hərəkəti yol polisi əməkdaşları tərəfindən tənzimlənir. Hadisə ilə bağlı müvafiq tədbirlər görülməkdədir.