Bakı məktəbləri Formula-1 səbəbindən onlayn keçir

Bakı şəhərində keçiriləcək Formula-1 Azərbaycan Qran Prisi ilə əlaqədar bəzi məktəblər onlayn tədrisə keçəcək. Yarış 24-26 sentyabr tarixlərində baş tutacaq və bu səbəbdən şəhərin bəzi yollarında məhdudiyyətlər tətbiq olunacaq.

Minval.info xəbər verir ki, Məktəbəqədər və Ümumi Təhsil üzrə Dövlət Agentliyindən verilən məlumata görə, yarışın keçirildiyi əraziyə yaxın təhsil müəssisələrində dərslər onlayn formatda təşkil ediləcək. Hələlik bu təhsil ocaqlarının adları açıqlanmasa da, əvvəlki illərdə Formula-1 yarışları zamanı 132-134 nömrəli Təhsil Kompleksi, 160 nömrəli Klassik Gimnaziya, 2 və 147 nömrəli texniki-humanitar liseylər onlayn tədrisə keçmişdi.