AzTV i̇ranın qara siyahısında: Kəşfiyyat niyə narahatdır?

İranın Kəşfiyyat Nazirliyi, “Ettelaat”, AzTV-ni düşmən media qurumları arasında göstərərək, bu kanalı milli təhlükəsizliyə təhdid olaraq qəbul edib. Nazirlik, ötən il qəbul edilən “Casusluğa görə cəzanın şiddətləndirilməsi haqqında Qanun”un 4-cü maddəsinə əsaslanaraq, İsrail və digər düşmən ölkələrlə əməkdaşlıq edən şəxslərə qarşı tədbirlər görülməsini tələb edib.

Minval.info xəbər verir ki, “Ettelaat” tərəfindən hazırlanan siyahıda, düşmən media qurumları arasında 415 ad yer alıb və bu siyahının vaxtaşırı yenilənəcəyi bildirilib. Siyahının birinci hissəsində “Iran International”, “BBC farsca”, “Fərda” radiosu və “Amerikanın səsi” kimi kanalların adları çəkilir. Həmçinin, İrandakı qeyri-fars xalqların problemlərini işıqlandıran “Güney Azərbaycan Televiziyası” (GünAz TV) də bu siyahıya daxil edilib.

AzTV isə bu siyahıda 19-cu sırada yer alır. Bu addım, sağlam məntiqə və normal qonşuluq münasibətlərinə uyğun gəlməyən bir qərar kimi qiymətləndirilir.