Azərbaycanlı təqsirləndirilən şəxs Rusiyadan ekstradisiya edilir

Oğurluqda təqsirləndirilən Azərbaycan vətəndaşı Rusiyadan ekstradisiya olunacaq. Bu barədə Baş Prokurorluq məlumat yayıb.

Minval.info xəbər verir ki, “Mülki, ailə və cinayət işləri üzrə hüquqi yardım və hüquqi münasibətlər haqqında” 07.10.2002-ci il tarixli Konvensiyanın tələblərinə uyğun olaraq Azərbaycan vətəndaşı Dəmirov Adil Allahverdi oğlunun ekstradisiyası haqqında Baş Prokurorluğun vəsatəti Rusiya Federasiyasının Baş Prokurorluğu tərəfindən təmin edilib.

İmişli rayon polis şöbəsində aparılan ibtidai istintaq zamanı Dəmirov Adil Allahverdi oğlunun Azərbaycan Respublikasının Cinayət Məcəlləsinin 177.3.2-ci maddəsi (oğurluq külli miqdarda ziyan vurmaqla törədildikdə) ilə nəzərdə tutulmuş cinayət əməlini törətməsinə dair əsaslı şübhələr müəyyən edildiyindən, onun təqsirləndirilən şəxs qismində cəlb edilməsi qərara alınıb və istintaqdan qaçıb gizləndiyinə görə beynəlxalq axtarışa verilib.

ƏLAQƏLİ

Bunu da oxu

Yuşvaev İsraildə pusquya düşərək qətlə yetirildi

24.08.2026 - 21:47

Hazırda onun Azərbaycana gətirilməsi məqsədilə Ədliyyə Nazirliyinin Penitensiar Xidməti tərəfindən beynəlxalq prosedurlara uyğun müvafiq tədbirlər həyata keçirilir.