Azərbaycan boksçuları Avropa çempionatında iki medal qazandı

Azərbaycanın boks millisi Serbiyanın Loznitsa şəhərində keçirilən U-19 Avropa çempionatında uğurla çıxış edərək iki medal qazanıb. Yarışda 60 kq çəki dərəcəsində iştirak edən Əli Baxışov gümüş medala layiq görülüb.

Minval.info xəbər verir ki, bu nəticə ilə Azərbaycan millisi 35 ölkədən 354 boksçunun qatıldığı çempionatda 1 gümüş və 1 bürünc medal əldə edib. Əli Baxışovdan əvvəl isə Banuçiçək Nəsirli 48 kq çəki dərəcəsində üçüncü yeri tutaraq bürünc medal qazanmışdı.