Avtomobil alverində dələduzluq: Vətəndaşın 3 545 manatı necə yoxa çıxdı?

Bir vətəndaş avtomobil almaq məqsədilə sosial şəbəkədə tanış olduğu şəxs tərəfindən aldadıldığını iddia edir. O, xaricdən avtomobil gətirilməsi vədi ilə 3 545 manat ödədiyini, lakin nə avtomobilin, nə də pulunun geri qaytarıldığını bildirir.

Minval.info xəbər verir ki, Rəvan Vəliyev adlı şəxs iki ay əvvəl Fərid adlı bir şəxslə tanış olub. Fərid özünü xaricdən avtomobil gətirən biri kimi təqdim edərək, vətəndaşdan ilkin ödəniş alıb.

Vəliyev, avtomobilin Azərbaycana gəlməli olduğu tarixdən bir ay keçməsinə baxmayaraq, nə avtomobilin, nə də pulunun geri qaytarıldığını qeyd edir. O, hər gün avtomobilin gömrükdən çıxacağına dair vədlər aldığını, lakin sonradan avtomobilin ümumiyyətlə Azərbaycana gəlmədiyini öyrəndiyini deyir.

ƏLAQƏLİ

Bunu da oxu

Bakıda marşrutların dayanacaqları dəyişir: Yeni nizam-intizam planı açıqlanıb

16.08.2026 - 22:47

Şikayət olunan şəxs isə məsələ ilə bağlı razılığa gəldiklərini və avtomobilin yaxın zamanda təhvil veriləcəyini bildirib. Lakin Vəliyev bu vədlərə inanmadığını və qarşı tərəfin dəfələrlə sözünü tutmadığını vurğulayıb.

Hüquqşünas Anar Ramazanov, əgər avtomobil gətirilməsi vəd edən şəxsin xarici tərəflərlə əlaqəsi yoxdursa, bu vəziyyətin dələduzluq əlamətləri daşıya biləcəyini bildirib. O, vətəndaşa polisə müraciət etməyi tövsiyə edir və əgər əməl sübuta yetirilərsə, həmin şəxsin məsuliyyətə cəlb olunacağını qeyd edir.