Avqustda 11 min uşaq peyvəndləndi

Avqust ayının ilk yarısında Azərbaycanda 11 504 uşağa ümumilikdə 15 893 peyvənd tətbiq edilib. Bu tədbirlər, TƏBİB tərəfindən təsdiq edilmiş İmmunizasiya üzrə Tədbirlər Planı çərçivəsində həyata keçirilib.

Minval.info xəbər verir ki, plan çərçivəsində ilkin səhiyyə müəssisələrində uşaqların immunizasiya statusu qiymətləndirilib, peyvənddən kənarda qalmış və natamam immunizasiyalı uşaqlar müəyyənləşdirilib. Eyni zamanda, valideynlərin maarifləndirilməsi və uşaqların yaşına uyğun peyvəndlərlə immunizasiyasının tamamlanması istiqamətində tədbirlər görülüb.

Qeyd edək ki, immunizasiya prosesinə cəlb olunan tibb işçilərinin bilik və bacarıqlarının artırılması məqsədilə 15–31 iyul tarixlərində keçirilən təlimlərdə 1 435 tibb işçisi iştirak edib.