Atasına cavab qaytaran qızın dramı: Barışıq məhkəməni necə dəyişdi?

Bakının Sabunçu rayonunda 47 yaşlı bir kişi qızına fiziki xəsarət yetirib. Hadisə ailə daxilində şəxsi münasibətlər zəminində yaşanıb. Atası ilə mübahisə edən qız, atasına kobud cavab verdikdən sonra, ata qızının üzərinə hücum edərək ona xəsarət yetirib.

Minval.info xəbər verir ki, hadisə zamanı ata qızının üzünə və ayağına zərbələr endirib. Nəticədə, qız müxtəlif dərəcəli bədən xəsarətləri alıb. Hadisə ilə bağlı ataya qarşı Cinayət Məcəlləsinin 128-ci maddəsi üzrə ittiham irəli sürülüb.

Məhkəmə araşdırması zamanı məlum olub ki, təqsirləndirilən şəxs və zərərçəkmiş arasında barışıq əldə edilib. Bu səbəbdən, zərərçəkmiş qız atasına qarşı şikayətini geri götürüb. Sabunçu Rayon Məhkəməsi, Cinayət Məcəlləsinin 73.2-ci maddəsinə əsasən, təqsirləndirilən şəxsi cinayət məsuliyyətindən azad edib və cinayət təqibinə xitam verib.