Abşeronda su xətti mübahisəsi bıçaqlanma ilə nəticələndi
Abşeron rayonunda qonşular arasında baş verən mübahisə bıçaqlanma ilə nəticələnib. Hadisə Digah qəsəbəsində, Bakıxanov küçəsində qeydə alınıb.
Minval.info xəbər verir ki, qəsəbə sakini Heydər Qarayev qonşusu Raminin onun həyətinə icazəsiz daxil olduğunu iddia edərək xəsarət yetirib. Hadisə su xəttinin partlaması ilə əlaqədar yaranan vəziyyət zamanı baş verib.
Heydər və Ramin, digər qonşularla birlikdə su xəttinin bərpası üçün əraziyə toplaşıblar. Ramin, tikinti materialı gətirmək üçün evinə gedərkən qonşuların məsləhəti ilə həyətlərdəki su kranlarını açıq saxlayıb. Lakin Ramin Heydərin həyətindəki kranı da açdığı üçün Heydərin narazılığına səbəb olub.
Su xətti təmir edildikdən sonra Heydər, Raminin ona xəbər vermədən həyətinə daxil olduğunu əsas gətirərək onu danışmaq üçün çağırıb. Görüş zamanı Heydər əvvəlcə Raminin üz nahiyəsinə yumruqla zərbə vurub, daha sonra bıçaqla üz nahiyəsinə beş dəfə zərbə endirib.
Hadisəni törətməkdə şübhəli bilinən Heydər Qarayev polis tərəfindən saxlanılıb və ona qarşı cinayət işi açılıb. Məhkəmənin qərarı ilə H.Qarayev 7 il 6 ay müddətinə azadlıqdan məhrum edilib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Cinayət yolu ilə əldə olunan vəsaitlər necə idarə olunur
78 yaşlı kişi nəvəsinin sevgilisini bıçaqladı: dəhşətli hadisə
Oğuzda narkotik ticarəti ilə məşğul olan şəxslər saxlanıldı
Məşhur manyak Çikatilonu ifadə verməyə nə məcbur etdi?
Gəlinini bıçaqlamaqda ittiham olunan şəxs təcridxanada vəfat etdi
Vüsal Şilderin qətli: cinayətin qiyməti 1000 manat olub?
Bakıda 117 min manatlıq dələduzluqda təqsirləndirilən şəxsə hökm oxundu
