13 il əvvəlki qətlin təşkilatçısı məhkəmədə

13 il əvvəl baş vermiş qətlin təşkilində təqsirləndirilən şəxs məhkəməyə göndərilib. 2013-cü il mayın 2-də Bakı şəhərinin Nərimanov rayonu ərazisində Schilder Vüsal Adolf qəsdən öldürülüb. İstintaq nəticəsində İsgəndərov Elman Seyidağa oğlu və Talıbov Seymur Teymur oğlu Cinayət Məcəlləsinin müvafiq maddələri ilə təqsirləndirilən şəxs qismində cəlb ediliblər. Elman İsgəndərov 15 il, Seymur Talıbov isə 12 il müddətinə azadlıqdan məhrumetmə cəzasına məhkum ediliblər.

Minval.info xəbər verir ki, Azərbaycan Respublikası Baş Prokurorluğunun İstintaq idarəsində cinayət işi üzrə ibtidai istintaqın davam etdirilməsi zamanı Əli-zadə Xəyal Məzahir oğlunun cinayətin təşkili və törədilməsinə rəhbərlik etməsinə əsaslı şübhələr müəyyən edilib. O, Azərbaycan Respublikasının hüdudlarından kənarda olduğundan beynəlxalq axtarışa verilib və Birləşmiş Ərəb Əmirliklərində tutulub, daha sonra Azərbaycana ekstradisiya edilib.

İbtidai istintaqın tamamlanması ilə Xəyal Əli-zadəyə Cinayət Məcəlləsinin 32.3, 120.2.5-ci maddələri ilə ittiham elan edilib və məhkəmənin qərarı ilə həbs qətimkan tədbiri seçilib. Cinayət işi üzrə ittiham aktı təsdiq edilərək Bakı Ağır Cinayətlər Məhkəməsinə göndərilib.