Yığmamızın oyunçusu Türkiyədə bombardir oldu

Qadın voleybolçular arasında Türkiyə Sultanlar Liqasında II dövrəyə start verilib.

Çempionatın XII turu Azərbaycan millisinin oyunçuları üçün fərqli nəticələrlə başa çatıb. Belə ki, Polina Rəhimovanın şərəfini qoruduğu “Fənərbaxça” “Bursa BŞB”nı qəbul edib. Gərgin keçən matç İstanbul təmsilçisinin 3:2 (20:25, 23:25, 25:13, 25:13, 15:9) hesablı qələbəsi ilə yekunlaşıb. Yığmamızın hücumçusu 24 xalla görüşün bombardiri olub.

“Seramiksan”da çıxış edən millimizin kapitanı Odina Bayramova isə eyni hesabla məğlub olub. “Çanakkale Bld” klubunu qəbul edən komanda hesabda 2 dəfə irəli çıxsa da, sonda cəmi 1 xalla kifayətlənib – 2:3 (26:24, 22:25, 28:26, 20:25, 11:15). Bayramova “Seramiksan”a 15 xal qazandırıb.

Argentina futbolu Messini 1 dəqiqə alqışlayacaq

ƏLAQƏLİ

Bunu da oxu

Argentina futbolu Messini 1 dəqiqə alqışlayacaq

03.09.2026 - 18:07

“Beşiktaş”ın şərəfini qoruyan Marqarita Əzizova “İlbank”la səfər görüşündə meydana çıxmayıb. Onun komandası 3:0 (25:18, 25:15, 25:16) hesabı ilə qalib gəlib.

“Beylikdüzü”nun formasını geyinən Yana Kulan isə XII turu xalsız başa vurub. Güclü “Əczaçıbaşı” ilə qarşılaşan komanda 0:3 (18:25, 14:25, 13:26) hesabı ilə uduzub. Hücumçumuz oyunda 9 xal toplamaqla, “Beylikdüzü”nun ən yaxşısı olub.

Beləliklə, XII turdan sonra 31 xala malik “Fənərbaxça” 3-cü yerdə qərarlaşıb. 16 xalı olan “Beşiktaş” 6-cı, onlardan 3 xal az toplayan “Beylikdüzü” 9-cudu. Cəmi 11 xal toplayan “Seramiksan” isə 10-cu yerdədi. Apasport.az