Xalq artisti Şükufə Yusupova avtomobil qəzası keçirdi

Avqustun 21-də Xalq artisti Şükufə Yusupova avtomobil qəzası nəticəsində yaralanaraq Kliniki Tibbi Mərkəzə yerləşdirilib. 1954-cü il təvəllüdlü sənətkarın müalicəsi hazırda palata şəraitində davam etdirilir.

Minval.info xəbər verir ki, TƏBİB-in verdiyi məlumata görə, Şükufə Yusupovanın vəziyyəti stabil olaraq qiymətləndirilir.

Hadisə avqustun 21-də “İçərişəhər” metrostansiyası yaxınlığında baş verib. Xalq artisti piyada keçidindən keçərkən avtomobil tərəfindən vurulub. Dərhal Kliniki Tibbi Mərkəzin Təcili və Təxirəsalınmaz Tibbi Yardım şöbəsinə çatdırılan xəstəyə ilkin tibbi yardım göstərilib və müayinələr aparılıb. Müayinələrin nəticələrinə əsasən, ona çanaq və qabırğa sınıqları diaqnozu qoyulub. Hadisə ilə bağlı Səbail Rayon Polis İdarəsi tərəfindən araşdırma aparılır.