Xətaidə bacı-qardaş mübahisəsi yanğına səbəb oldu
Paytaxtın Xətai rayonunda çoxmərtəbəli yaşayış binasında baş verən yanğın hadisəsinin təfərrüatları məlum olub. Yanğının mənzildə yaşayan bacı-qardaş arasında baş verən mübahisə nəticəsində başladığı iddia edilir.
Minval.info xəbər verir ki, yanğın nəticəsində mənzilə ciddi ziyan dəyib və alovun digər mənzillərə keçmə təhlükəsi yaranıb. Hadisə yerinə Fövqəladə Hallar Nazirliyinin əməkdaşları, polis və təcili tibbi yardım briqadaları cəlb olunub.
Sakinlərin bildirdiyinə görə, hadisədən əvvəl mənzildə yaşayan şəxslər arasında mübahisə baş verib. Şahidlərdən biri, mənzildən yüksək səslər eşidildiyini və daha sonra şəxsin əlində baltaya bənzər alətlə şüşələri sındırdığını bildirib. Daha sonra həmin şəxs mənzildəki əşyaları qaz plitəsinin üzərinə yığıb və yanğın başlayıb. Şəxs balkona çıxaraq huşunu itirib və ona ilkin tibbi yardım göstərilib, daha sonra xəstəxanaya aparılıb.
Digər bir sakin, binada üç ildən artıq yaşadığını və həmin mənzildə yaşayanlarla bağlı əvvəllər ciddi mübahisə eşitmədiyini bildirib. Hadisə zamanı binanın sakinləri mənzildən aşağı müxtəlif əşyaların atıldığını da görüblər.
Hadisənin dəqiq səbəbləri və yanğının hansı şəraitdə baş verməsi araşdırılır.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Xalq artisti Şükufə Yusupova avtomobil qəzası keçirdi
Ermənistanda əsgər yoldaşını güllələyərək öldürdü
Gəncədə avtomobil ağaca çırpıldı: Sürücü yaralandı
Avropada meşə yanğınları köhnə mərmiləri partladır
Sankt-Peterburqda sənaye zonasında nəhəng yanğın
Kamçatkadakı vulkan dramı: Azərbaycanlı aparıcı xilas edildi
Goranboy-Naftalan yolunda faciəvi qəza: 2 ölü
