Türkiyədə dənizdə dəhşətli anlar: 115 nəfərlik qayıqda yanğın, sərnişinlər dənizdə xilas oldu

Türkiyənin Muğla vilayətində, Fethiye bölgəsində, 115 nəfərin olduğu bir gəzinti qayığında yanğın baş verib.

Minval.info xəbər verir ki, alovlar sürətlə yayıldığı üçün sərnişinlər, aralarında uşaqlar da olmaqla, xilasedici jiletlərini geyinərək dənizə atılmağa məcbur olublar.

Hadisə yerinə dərhal Türkiyənin Sahil Mühafizəsi və tibbi yardım qrupları cəlb edilib. Ətrafdakı qayıqlar da xilasetmə işlərinə dəstək göstəriblər.

ƏLAQƏLİ

Bunu da oxu

Yol polisi dəmir yolu keçidlərində təhlükəsizlik üçün xəbərdarlıq etdi

13.10.2026 - 10:24

Sərnişinlərin hamısı təhlükəsiz şəkildə təxliyə edilib. Yanğın nəticəsində qayığın böyük bir hissəsi yararsız hala düşüb və daha sonra batmağa başlayıb.

İlkin məlumatlara görə, hadisə zamanı heç kim həyatını itirməyib və ya xəsarət almayıb. Sərnişinlər tibbi müayinədən keçirilib.

Yanğının səbəbi hələlik müəyyən edilməyib, lakin hadisə ilə bağlı araşdırmalar davam edir.

ƏLAQƏLİ

Bunu da oxu

Məktəbdə səsləndirilən şüarlar - kimlərə xidmət edirlər?

12.10.2026 - 14:54