Tüfənglə şəkil çəkdirmək istədi, dostunu öldürdü

Türkiyənin Ərzurum şəhərində ov tüfəngi ilə şəkil çəkdirən 17 yaşlı gənc dostunu sinəsindən vuraraq öldürüb.

Minval.info xəbər verir ki, dostlarını evinə qonaq çağıran Haluk ov tüfəngini əlinə alıb şəkil çəkdirmək istəyib.

Səhvən əlinin dəyməsi ilə tüfəngdən açılan güllə dostu Zəfərin sinəsindən dəyib.

Hadisənin şokunu üstündən atan kimi təcili tibbi yardıma zəng edən gənc bir müddət dostunun yarasını əli ilə tutmağa çalışıb.

Ancaq dostu Zəfər aldığı ölümcül yaradan həyatını itirib. Polisə verdiyi ifadədə  çox yaxın dost olduqlarını bildirən Haluk hələ də olanlara inana bilmədiyini deyib.

Minval.info