Sumqayıtda şagirdlər evdən gətirilən şirniyyatdan zəhərləniblər
Sumqayıt şəhərində 36 nömrəli tam orta məktəbdə baş verən zəhərlənmə hadisəsi cəmiyyətin diqqətini çəkib. TƏBİB-in verdiyi məlumata görə, zəhərlənmə şübhəsi ilə 21 nəfər Sumqayıt Tibb Mərkəzinin Uşaq Xəstəxanasına yerləşdirilib. Zəhərlənənlərin arasında 17 kişi və 4 qadın var. Hazırda onların müalicəsi davam etdirilir və vəziyyətləri stabil olaraq qiymətləndirilir.
Minval.info xəbər verir ki, Azərbaycan Qida Təhlükəsizliyi Agentliyi (AQTA) hadisəni dərhal nəzarətə götürüb və araşdırmalara başlayıb. Agentlik tərəfindən hadisənin səbəblərinin müəyyənləşdirilməsi istiqamətində zəruri tədbirlər həyata keçirilir.
İlkin araşdırmalar göstərir ki, zəhərlənməyə məktəbdə şagirdlərdən birinin evdən gətirdiyi və istifadə müddəti bitmiş şirniyyat səbəb olub. Araşdırmaların son nəticələri barədə ictimaiyyətə əlavə məlumat veriləcək.
Xatırladaq ki, ötən gün Gəncə şəhərində də oxşar hadisə baş vermiş, Cəfər Cabbarlı adına məktəbin 7 şagirdi zəhərlənmə diaqnozu ilə xəstəxanaya yerləşdirilmişdi.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Ermənistanda azərbaycanlı əsgərə yeni ittihamlar irəli sürüldü
Ermənistanda saxlanılan əsgərə qarşı yeni cinayət işi açıldı
Şəmkir-Gədəbəy yolunda yük maşını dərəyə aşıb
DİN rəqqasın həyat yoldaşını döyməsi ilə bağlı açıqlama verdi
Sumqayıtda məktəbdə kütləvi zəhərlənmə hadisəsi baş verib
Avstraliyada şəhər meri hücum ittihamından azad edilib
Məkkədə şübhəli şəxs saxlanıldı: Canlı bomba iddiaları
