İsçevin paytaxtı Stokholm şəhərində partlayış baş verib.
Minval.İnfo xəbər verir ki, bu barədə “RİA Novosti” yerli polis orqanlarına istinadən məlumat yayıb.
Hadisə, Huddinge bölgəsində, metronun “Vorbü Gord” stansiyasının yanında meydana gəlib. İlkin məlumatlara görə, yerə atılmış bir əşya, adı hələ ki, məlum olmayan şəhər sakininin diqqətini çəkib və onu yerdən qaldıran zaman partlayış baş verib.
Partlayış nəticəsində həmin şəxs ciddi xəsarət alıb və təcili xəstəxanaya çatdırılıb. Hadisə yeri polislər tərəfindən mühafizə edilir.
Partlayışın detalları araşdırılır.
Minval.İnfo
