Şəmkirdə 11 yaşlı qız əməliyyatdan sonra öldü

Şəmkir rayonunun Sərxan kəndində 11 yaşlı qız əməliyyatdan sonra həyatını itirib. 2015-ci il təvəllüdlü qızın boğazında olan artıq ətin götürülməsi məqsədilə Şəmkir Rayon Mərkəzi Xəstəxanasında cərrahi müdaxilə həyata keçirilib. Əməliyyatdan sonra evə buraxılan azyaşlı, evində vəfat edib.

Minval.info xəbər verir ki, Tibbi Ərazi Bölmələrini İdarəetmə Birliyindən verilən məlumata görə, azyaşlı avqustun 26-da otorinolarinqoloji əməliyyat üçün xəstəxananın Cərrahiyyə şöbəsinə yerləşdirilib. Pasiyentə adenoidlərin hipertrofiyası və xroniki tonzillit diaqnozları qoyulub və əməliyyat icra edilib. Əməliyyatdan sonra müalicə Reanimasiya şöbəsində davam etdirilib. Lakin avqustun 27-də saat 08:30 və 12:10-da qanaxma müşahidə olunub və göstərilən reanimasiya tədbirlərinə baxmayaraq, saat 13:40-da bioloji ölüm qeydə alınıb.

Meyit Məhkəmə-Tibbi Ekspertiza və Patoloji Anatomiya Birliyinin Şəmkir Rayon Şöbəsinə təhvil verilib və hadisə ilə bağlı araşdırma aparılır.