Şəkidə hotel yanğını: 5 nəfər təxliyə edildi

Şəki şəhərində yerləşən hoteldə yanğın baş verib və nəticədə beş nəfər təhlükəsiz əraziyə təxliyə olunub. Hadisə avqustun 31-i axşam saatlarında, M.Şəhriyar küçəsində Telman Tofiq oğlu Məcidova məxsus ikimərtəbəli hoteldə qeydə alınıb. Yanğın nəticəsində hotelin birinci mərtəbəsindəki bir otağın yanar konstruksiyaları 15 kvadratmetr sahədə yanıb. Minval.info xəbər verir ki, yanğın zamanı tüstülənmiş otaqlardan beş nəfər yanğınsöndürənlər tərəfindən təhlükəsiz əraziyə təxliyə edilib. Binanın qalan hissəsi yanğından mühafizə olunub. Yanğının söndürülməsi üçün Şəki Rayon Dövlət Yanğından Mühafizə Hissəsinin texnikaları və şəxsi heyətləri əraziyə cəlb olunub. Faktla bağlı araşdırma aparılır.