Rusiyada məktəbə hücum - Yaralılar var - FOTOLAR

Perm şəhərindəki məktəbə hücum zamanı 8 şagird və müəllimi yaralanıb

Minval.İnfo xəbər verir ki, Rusiyanın Perm şəhərindəki məktəbə iki maskalı şəxs hücum edib. Hadisə nəticəsində 8 şagird və bir müəllim xəsarət alıb.

Bu haqda məlumatı, RİA Novosti-nin Perm şəhərindəki xüsusi müxbiri Elena Dubinina verib. Məlumatda bildirilir ki, xəstəxanaya daxil olanlar arasında bir pedaqoqun və 16 yaşlı şagirdin vəziyyəti ağırdı.

Hazırda onların üzərində əməliyyat aparılır. Hadisə yerinə təcili yardım xidməti və polis əməkdaşları cəlb olunub.

İlkin məlumata əsasən, cinayət yerli vaxtla 10:19-da baş verib. Məktəbin mühafizəsi qadın olub və cinayətkarların qarşısını ala bilməyib. Hazırda cinayətin təfərrüatları araşdırılır. Hücumda şübhəli bilinən şəxslər saxlanılaraq polislər tərəfindən dindirilir.

Zeynəb

Minval.İnfo