Romero "atletiko"ya doğru: Londonun müdafiə ulduzu madrid yolunda

İngiltərənin “Tottenhem” klubunun müdafiəçisi Kristian Romero, İspaniyanın “Atletiko Madrid” klubuna transfer olmaq üzrədir.

Minval.info xəbər verir ki, italiyalı insayder Nikolo Skira, sosial şəbəkə hesabında bu barədə məlumat yayıb. Məlumata görə, argentinalı futbolçu “Atletiko Madrid” ilə 2030-cu ilin yayına qədər müqavilə şərtlərində razılığa gəlib. Həmçinin, müqavilənin 2031-ci ilə qədər uzadılması imkanı da mövcuddur. Romero, illik 6 milyon avro maaş alacaq.

Hazırda Madrid klubu, transferin baş tutması üçün “Tottenhem” ilə danışıqları davam etdirir. London təmsilçisi, 28 yaşlı müdafiəçi üçün 40-45 milyon avro təzminat tələb edir. Futbolçunun özü də rəhbərlikdən transferə icazə verilməsini istəyib.

ƏLAQƏLİ

Bunu da oxu

Trabzonsporun yeni hədəfi: Romelu lukaku ilə danışıqlar necə nəticələndi?

06.08.2026 - 17:46

Kristian Romero, 2025/2026 mövsümündə İngiltərə Premyer Liqasında 23 oyunda iştirak edərək 4 qol vurub və 1 məhsuldar ötürmə edib. UEFA Çempionlar Liqasında isə 8 matçda 1 qol və 2 məhsuldar ötürmə ilə yadda qalıb.