Real Madrid gənc ispaniyalı ulduzu transfer edir

“Real Madrid” klubu gənc ispaniyalı futbolçu Serxio Martinesi heyətinə qatmağa hazırlaşır. İspaniyanın “Rasinq Santander” klubunda çıxış edən 19 yaşlı yarımmüdafiəçinin transferi üçün Madrid təmsilçisi ilə razılıq əldə olunub.

Minval.info xəbər verir ki, tanınmış insayder Fabritsio Romanonun məlumatına görə, “Real Madrid” bu transfer üçün 3 milyon avro ödəyəcək və Martineslə 2030-cu ilin yayına qədər müqavilə imzalanacaq. Gənc futbolçunun “Kastilya”da forma geyinməsi və eyni zamanda əsas komandanın məşqlərinə cəlb olunması planlaşdırılır.

Serxio Martines “Rasinq Santander”in yetirməsidir və İspaniyanın aşağı yaş qrupları üzrə milli komandalarında çıxış edib. Onun “Real Madrid”ə keçidi ilə bağlı bir sıra digər klubların da maraq göstərdiyi, lakin futbolçunun karyerasını Madrid klubunda davam etdirmək qərarına gəldiyi bildirilir.