Rafael Lean "Qalatasaray"da 12 milyon avro qazanacaq

Portuqaliyalı ulduz futbolçu Rafael Lean, karyerasında yeni bir səhifə açaraq “Qalatasaray” klubuna transfer olunmağa hazırlaşır. Bu transferin maliyyə detalları artıq məlumdur. Türkiyə klubu, bu keçid üçün İtaliya təmsilçisi “Milan”a 44 milyon avro ödəyəcək. Razılaşmaya əsasən, “Milan” gələcəkdə futbolçunun başqa kluba mümkün satışından əlavə 20 faizlik pay da əldə edəcək.

Minval.info xəbər verir ki, “Qalatasaray” ilə portuqaliyalı vinger arasında imzalanacaq müqavilə 2030-cu ilə qədər nəzərdə tutulub. Bu müddət ərzində 27 yaşlı hücumçu hər mövsüm üçün 12 milyon avro məvacib alacaq. “Qalatasaray” rəhbərliyi, Leanın transferi üzrə “Milan”la bütün detalları tam razılaşdırıb və futbolçunun bu gün tibbi müayinədən keçərək rəsmi müqaviləyə imza atacağı gözlənilir.