“Qurban Qurbanov diktator kimidir” - Ndlovu

2016-2017 mövsümündə “Qarabağ”da çıxış edən, daha sonra Çinin “Xançjou Qrintaun” klubuna keçən Dino Ndlovu zimbabveli Xama Biliata məsləhətlər verib.

“Qafqazinfo” Kickoff.com-a istinadən xəbər verir ki, Ndlovu adı “Qarabağ”la hallanan Biliatın bu kluba keçməzdən öncə ətraflı düşünməyi tövsiyə edib:

““Qarabağ”ın baş məşqçisi Qurban Qurbanov nizam-intizama çox diqqət yetirir. Futbola çox bağlıdır. İstəyir ki, futbolçular yatanda da futbolu düşünsün. Diktator kimidir (gülür).

Gecə həyatını sevən futbolçuları xoşlamır. O, şəhər barədə hər şeyi bilir, futbolçularının hər addımına nəzarət edir. Futbolçularından evə nə vaxt gəldiyini və gecəni harda keçirdiyini soruşur. Sizin nə cavab verəcəyiniz önəmli deyil. Onsuz da hər şeyi bilir”.

Minval.İnfo