Qurban Qurbanov: "Cavab oyununda daha yaxşı nəticə qazanmağa çalışacağıq"

“Qarabağ”ın baş məşqçisi Qurban Qurbanov UEFA Avropa Liqasının II təsnifat mərhələsində ÇSKA (Sofiya) ilə keçirilən ilk oyundan sonra fikirlərini bölüşüb. Minval.info xəbər verir ki, təcrübəli mütəxəssis cavab görüşündə daha uğurlu nəticə əldə etməyə çalışacaqlarını bildirib.

Qurbanov matçın ilk dəqiqələrdən gərgin keçdiyini vurğulayıb:

“Yaxşı komandaya qarşı mübarizə apardıq. Düşünürəm ki, bir o qədər baxımlı matç izləmədik. Hava sərin olsaydı, daha yaxşı oyuna şahidlik edə bilərdik. Cavab görüşündə daha yaxşı nəticə qazanmağa çalışacağıq”.

Qeyd edək ki, “Qarabağ” və ÇSKA (Sofiya) arasında keçirilən ilk qarşılaşma qolsuz heç-heçə ilə başa çatıb. Komandalar arasında cavab oyunu bir həftə sonra Sofiyada keçiriləcək.