Qara dənizdə Azərbaycanlı dənizçilərin olduğu gəmi dron hücumundan necə xilas oldu?

Qara dənizdə üzən “Volgo Balt 226” adlı quru yük gəmisi dron hücumuna məruz qalıb. Bu gəmi “Azov Shipping” şirkətinə aiddir və Komor adalarının bayrağı altında fəaliyyət göstərir.

Minval.info xəbər verir ki, “Azərbaycan Dənizçilərinə Dəstək” İctimai Birliyi hadisə ilə bağlı məlumat yayıb. Məlumata görə, gəmi hazırda Trabzon limanına doğru hərəkət edir və ekipaj üzvləri arasında azərbaycanlı dənizçilər də var. Xoşbəxtlikdən, hücum nəticəsində heç bir itki qeydə alınmayıb.