"Qalatasaray" əzəli rəqibin futbolçusunu transfer edir

“Qalatasaray” “Beşiktaş”ın futbolçusunu transfer edə bilər. Fanat.Az “Fotomaç”a istinadən xəbər verir ki, “sarı-qırmızılılar” Atibaya elçi düşüb.

Məlumata görə, baş məşqçi Fatih Terim gələn mövsüm Fernandonun yanına təcrübəli və səviyyəli bir futbolçu istəyir. Atibanın oyununu bəyənən “İmperator” mümkün olsa, onun transferini istəyib. Artıq rəhbərlik bununla bağlı hərəkətə keçib. “Beşiktaş” Atiba ilə müqavilə yenilməsə, “Qalatasaray” onu heyətinə qatacaq.

Qeyd edək ki, kanadalı futbolçu 2013-cü ildə PSV-dən “Beşiktaş”a keçib. Cari mövsümdə 32 rəsmi oyuna çıxan 35 yaşlı yarımmüdafiəçi 2 qol vurub və 2 məhsuldar ötürmə edib.

Bu xəbəri paylaş: