Qalatasaray Milan ulduzu Fofananı hədəfləyir

“Qalatasaray” futbol klubu, “Milan”ın daha bir ulduz futbolçusunu heyətinə qatmaq üçün hərəkətə keçib. İstanbul təmsilçisi, 27 yaşlı fransalı yarımmüdafiəçi Youssouf Fofananı satınalma şərti ilə icarəyə götürmək üçün “Milan”a təklif göndərib.

Minval.info xəbər verir ki, bu mövsüm “Milan”da kifayət qədər oyun şansı əldə etməyən Fofana, “Qalatasaray”ın təklifinə müsbət yanaşır. İtaliya klubu isə bu təklifi hazırda dəyərləndirir. Fofananın bazar dəyəri 23 milyon avro olaraq qiymətləndirilir və onun “Milan”la müqaviləsi 2028-ci ilə qədərdir.

Əgər transfer baş tutarsa, “Qalatasaray”ın heyət planlamasında dəyişikliklərin olacağı gözlənilir. Bu halda, Mario Lemina UEFA üçün təqdim ediləcək heyətə daxil edilməyə bilər və ya onunla yollar ayrılma ehtimalı var.