"Nümunəvi polis" cinayət qurbanlarını zorlayırmış

Böyük Britaniyada iki polis əməkdaşı cinayət qurbanlarını zorladıqları üçün məhkəməyə verilib.

Minval.İnfo xəbər verir ki, hər iki cinayətkarın bu haqda yazışmaları “Daily Mail” nəşrində yayımlanıb. Məlumatda bildirilir ki, polis əməkdaşları yazışmalarında onlara şikayət edən şəxsləri təhdid edərək onlarla cinsi əlaqəyə girməyəcəkləri təqdirdə şikayətlərinə baxmayacaqlarını bildiriblər.

Bundan başqa, polis əməkdaşlarının bir qadına və polisə şikayət məqsədilə zəng vurmuş sürücüyə qarşı kobud rəftarlarının video görüntüləri də tapılıb.

Hər iki polis əməkdaşı Edvard Benqri və Con Teylor vəzifələrindən azad edilib. Benqri və Teylor öz izahatlarında bütün bu hadisələrdən bixəbər olduqlarını və cinayət törətmədiklərini qeyd ediblər.

Qeyd edək ki, hər iki polis vaxtı ilə öz işlərində nümunəvi polis adını alıblar. Edvard Benqa 2016-cı ildə boğulan azyaşlı oğlanı xilas etdiyi üçün də xüsusi mükafat alıb.

Zeynəb

Minval.İnfo