Nepalda 9 gün tuneldə qalan işçilər xilas edildi

Nepalın Rasuva bölgəsində baş verən sel hadisəsi nəticəsində hidroelektrik stansiyasının tunelində qalan iki işçi 9 gün sonra xilas edilib. Avqustun 26-da baş verən təbii fəlakət zamanı “Trishuli 3A” su elektrik stansiyasının tunelində itkin düşən işçilərin axtarışı Nepal ordusu və polis əməkdaşları tərəfindən həyata keçirilib.

Minval.info xəbər verir ki, xilasedicilər tuneldən gələn səsləri eşidərək, divarı açmaqla işçilərə çatmağı bacarıblar. Xilas edilən şəxslər dərhal helikopterlə paytaxt Katmandudakı xəstəxanalara çatdırılıb və onların vəziyyətinin stabil olduğu bildirilib. Tuneldə başqa şəxslərin də qalma ehtimalı ilə bölgədə axtarış-xilasetmə işləri davam etdirilir.