Misir mərdanovun qədim genetik kökləri: 6000 illik tarix açıldı
Misir Mərdanovun ata nəsli Qərbi Azərbaycanın İcevan rayonunun Salah kəndindən gəlir və Dəmirlilər nəslinə mənsubdur. Onun Y DNT analizləri J1 haploqrupunun CTS1460 subkladına aid edilib. Bu subklad Qafqazın ən qədim genetik mutasiyalarından biri hesab olunur və həm Ermənistan, həm də Gürcüstan ərazilərində tapılan paleodnt nümunələrində aşkarlanıb. Bu genetik xətt Kür-Araz mədəniyyətinin davamı kimi qəbul edilir.
Minval.info xəbər verir ki, Azərbaycan DNT layihəsinin admini və genetik-tədqiqatçı Orxan Xansuvar bu barədə məlumat verib. Onun sözlərinə görə, Misir Mərdanovun ata babaları 6000 il əvvəl bu torpaqlarda yaşamış yerli və qədim soylardandır. Bu subklad, həmçinin Qərbi Azərbaycanın Əmirxeyir kəndindəki Dümələ və Salah kəndindəki Doluxanlı nəslində də müəyyən edilib. Testlərin artması ilə bu subkladın Qərbi Azərbaycanda və Azərbaycan türkləri arasında geniş yayıldığı ortaya çıxacaq.
Salah kəndi, 1867-ci il 9 dekabr tarixli çar fərmanı ilə yaradılmış Yelizavetpol quberniyasının Qazax qəzasına aid olub. Misir Mərdanovun bu qədim genetik köklərə bağlılığı, onun soyunun dərin tarixə malik olduğunu göstərir.
ƏLAQƏLİ
Xocavənddə buldozerin mina ilə qarşılaşdığı an: Təhlükəsizlik xəbərdarlıqları yenidən gündəmdə
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
İmişlidə gecə yarısı dəhşətli qəza: Yaralıların durumu necədir?
Cəbrayıl turizm partlayışı: Turist axını və gəlir artımı rekorda doğru
