"Messiyə qarşı sərt oynadım, atası üstümə qışqırdı"

PSJ-nin futbolçusu Tyaqo Motta “Barselona”lı günlərindən danışıb.

Minval.info komanda.az-a istinadən xəbər verir ki, Motta “Barsa”nın məşqində daim gərginlik olduğunu deyib. O, Lionel Messinin atasının onun üstünə qışqırmasını da xatırlayıb:

“Bir dəfə məşqdə Messiyə qarşı sərt oynadım. Onun atası dərhal mənim üstümə qışqırdı. O hesab edirdi ki, mən həddindən artıq sərt oynamışam. Ancaq onu saxlamağın başqa yolu da yox idi axı.

“Barselona”nın məşqi, sanki, müharibəni xatırladırdı. Top məndə olanda hər kəs qışqırırdı ki, ona ötürmə edim. Toqquşmalar həmişə sərt olurdu.

Motta “Barselona”da 1999-2007-ci illərdə çıxış edib. O, mövsümün sonunda karyerasını bitirəcəyini bildirib.