Məkkədə şübhəli şəxs saxlanıldı: Canlı bomba iddiaları

Səudiyyə Ərəbistanının Məkkə şəhərində ətrafdakılara narahatlıq və qorxu yaratdığı bildirilən bir şəxs saxlanılıb. Sosial mediada həmin şəxsin “canlı bomba” olduğu və hücum etməyə çalışdığı iddia edilsə də, Səudiyyə rəsmiləri bu iddiaları təsdiqləməyib.

Minval.info xəbər verir ki, Səudiyyə Ərəbistanının təhlükəsizlik qüvvələri Məkkədə ətrafdakı insanları narahat edən və panikaya səbəb olan şəxsi dərhal nəzarətə götürüb.

Səudiyyə Ərəbistanı Daxili İşlər Nazirliyinin ABŞ-ın X şirkətindəki sosial media hesabında yayımlanan açıqlamada, şübhəlinin dərhal saxlanıldığı və haqqında hüquqi prosedurların başladıldığı qeyd olunub.

ƏLAQƏLİ

Bunu da oxu

Avstraliyada şəhər meri hücum ittihamından azad edilib

02.10.2026 - 10:50

Hadisənin ardından bəzi sosial media platformalarında, Məkkədə Kəbənin də yerləşdiyi Məscid-i Haram ətrafında saxlanılan şəxsin “canlı bomba” olduğu irəli sürülüb. Lakin Səudiyyə rəsmilərinin açıqlamasında saxlanılan şəxsin üzərində partlayıcı maddə olduğu və ya hər hansı hücum cəhdi barədə məlumat verilməyib.

Səudiyyə rəsmiləri, hadisə ilə bağlı sosial mediada yayılan bəzi iddiaların həqiqəti əks etdirmədiyini bildirərək, ictimaiyyəti rəsmi mənbələrdən məlumat almağa çağırıb.