Macarıstan Millisinin keçmiş ulduzu ilə “Neftçi”də yeni dövr başlayır!

Macarıstan Millisinin keçmiş ulduzu ilə "Neftçi"də yeni dövr başlayır!

“Neftçi” futbol klubu yeni transferini elan edib. Macarıstan millisinin keçmiş oyunçusu Alen Şkribek, “ağ-qaralar”ın heyətinə qoşulub. 25 yaşlı yarımmüdafiəçi ilə 2+1 illik müqavilə imzalanıb.

Minval.info xəbər verir ki, Şkribek daha əvvəl yalnız Macarıstanda çıxış edib və son olaraq ZTE klubunun formasını geyinib. 2026/2027 mövsümündə Macarıstan çempionatının ilk üç turunda iştirak edən futbolçu, üç məhsuldar ötürmə ilə yadda qalıb. Ötən mövsümdə isə 37 matçda 11 qol və 5 assistlə diqqət çəkib.

Alen Şkribek, həm yarımmüdafiənin mərkəzində, həm də “10 nömrə” mövqeyində oynamaq bacarığına malikdir. Hər iki ayağı ilə yaxşı oynadığı üçün sağ və sol vinger mövqelərində də çıxış edə bilir. 2023/2024 mövsümündə “Pakş” klubu ilə ölkə kubokunu qazanan Şkribek, 2021-2022-ci illərdə Macarıstan U-21 yığmasının heyətində 11 oyun keçirib, 2 qol vurub və 3 assist edib.