SON DƏQİQƏMərmərə dənizində dəhşətli qəza: İki gəmi toqquşdu, 10 nəfərlik heyətlə əlaqə kəsildi – FÖVQALƏDƏ ƏMƏLİYYAT

Mərmərə dənizində, İstanbulun Silivri sahillərində Türkiyə bayrağı altında üzən iki kommersiya gəmisi toqquşub. Qəza nəticəsində gəmilərdən birinin 10 nəfərdən ibarət heyəti ilə əlaqə tamamilə kəsilib.

Minval.info xəbər verir ki, faciəli insident sentyabrın 2-də gecə saat 03:00 radələrində Silivri sahillərindən təxminən 18 mil cənubda qeydə alınıb.

İstanbul Valiliyindən verilən rəsmi açıklamaya görə, Kocaelidən Aliağa limanına doğru hərəkət edən “ALSU” adlı gəmi ilə İskəndərondan Karadeniz Ereğliyə gedən “TUĞBERK İMAMOĞLU” adlı digər kommersiya gəmisi toqquşub.

ƏLAQƏLİ

Bunu da oxu

Yol polisi dəmir yolu keçidlərində təhlükəsizlik üçün xəbərdarlıq etdi

13.10.2026 - 10:24

Hadisə yerinə dərhal Türkiyə Sahil Təhlükəsizlik və Sahil Mühafizə Qüvvələrinin xeyli sayda dəniz vasitəsi və xilasedici helikopterləri cəlb olunub.

Aparılan ilk baxış zamanı “ALSU” gəmisində xarici görünüşdən ciddi bir zədə təsbit edilməyib. Lakin “TUĞBERK İMAMOĞLU” gəmisi və onun göyərtəsində olan 10 heyət üzvündən heç bir xəbər almaq mümkün olmayıb. Gəminin batma ehtimalı nəzərdə tutularaq ərazidə havadan və dənizdən genişmiqyaslı axtarış-xilasetmə əməliyyatına başlanılıb.

Faktla bağlı araşdırmalar və axtarış işləri intensiv şəkildə davam etdirilir.

ƏLAQƏLİ

Bunu da oxu

Məktəbdə səsləndirilən şüarlar - kimlərə xidmət edirlər?

12.10.2026 - 14:54