İstanbulda oteldə yanğın: 12 yaralı xəstəxanada

İstanbulun Bakırköy bölgəsində yerləşən çoxmərtəbəli otellərdən birində güclü yanğın baş verib. Hadisə 6 mərtəbəli binanın zirzəmi yaxınlığındakı aşağı qatında başlayıb və sürətlə digər mərtəbələrə yayılıb. Minval.info xəbər verir ki, yanğından mühafizə və xilasetmə dəstələri əraziyə cəlb olunaraq, binanın yuxarı hissələrində köməksiz qalan 7 nəfəri təhlükəsiz şəkildə təxliyə ediblər. Yanğın zamanı müxtəlif dərəcəli bədən xəsarətləri alan 12 şəxs təcili tibbi yardım maşınları ilə yaxınlıqdakı xəstəxanalara çatdırılıb. Təxminən bir saat davam edən mübarizədən sonra yanğınsöndürənlər alovun qarşısını alaraq onu tamamilə söndürüblər.