İsmayıllıda toyda zəhərlənmə: 24 nəfər xəstəxanada

İsmayıllı rayonunda keçirilən toy mərasimində zəhərlənmə hadisəsi baş verib. Hadisə nəticəsində 24 nəfər zəhərlənmə diaqnozu ilə Göyçay Rayon Mərkəzi Xəstəxanasına müraciət edib. Zərərçəkənlərin vəziyyəti yaxşı olduğu üçün onlara ilkin tibbi yardım göstərildikdən sonra evə buraxılıblar.

Minval.info xəbər verir ki, Azərbaycan Qida Təhlükəsizliyi Agentliyi (AQTA) hadisə ilə bağlı araşdırmalara başlayıb. Agentliyin mütəxəssisləri müvafiq qurumların əməkdaşları ilə birgə hadisənin baş verdiyi Hacıhətəmli kəndində araşdırmalar aparır. Nümunələr götürülərək müayinələrə başlanılıb və nəticələrə uyğun tədbirlər görüləcək.