İran və qətər arasında pilot mübahisəsi: Əsirlik iddiaları və qarşılıqlı ittihamlar

İran, Qətərin mart ayında ölkə ərazisində qəzaya uğrayan İran hərbi təyyarələrinin üç pilotunun əsir götürülməsi ilə bağlı iddiaları rədd etməsinə qarşı çıxıb.

Minval.info xəbər verir ki, İran Baş Qərargahının İtkinlərin Axtarışı Komitəsinin rəhbəri, briqada generalı Məhəmməd Baqırzadə, Qətərin bu məsələni inkar etmək əvəzinə, İranlı mütəxəssislərə hadisə yerində araşdırma aparmaq üçün şərait yaratmalı olduğunu bildirib.

O, İran Hərbi Hava Qüvvələrinin mütəxəssislərindən ibarət qrupun uzun müddətdir Qətərə daxil olmaq və ərazidə axtarış aparmaq üçün icazə gözlədiyini vurğulayıb. Baqırzadə, Qətər rəsmilərini prosesə mane olmaqda və vaxtı uzatmaqda ittiham edərək, bu səbəbdən iranlı pilotların ölkəyə qaytarılması ilə bağlı zəruri prosesin başa çatdırılmadığını qeyd edib.

ƏLAQƏLİ

Bunu da oxu

Yeni təyin olunan təhsil müdiri ürəktutma nəticəsində dünyasını dəyişdi

16.08.2026 - 22:42

İki ölkə arasında yaranan mübahisə, mart ayında İranın Qətərdəki ABŞ hərbi bazalarına qarşı keçirdiyi əməliyyat zamanı başlamışdı. Tehran, həmin əməliyyat çərçivəsində Su-24 tipli hərbi təyyarələrin qəzaya uğramasından sonra sağ qalan üç pilotun Qətər qüvvələri tərəfindən əsir götürüldüyünü iddia edir.

Qətər Xarici İşlər Nazirliyinin sözçüsü Macid əl-Ənsari isə bu iddianı qəti şəkildə rədd edərək, axtarış-xilasetmə işləri zamanı yalnız bir pilotun meyitinin aşkarlanıb İrana təhvil verildiyini bildirib.