Hollanda dövlət qurumlarında Linux sisteminə keçir

Hollanda, dövlət sektoru üçün yeni bir texnoloji addım ataraq, Windows və Office proqramlarının yerinə öz inkişaf etdirdiyi Linux əsaslı sistemə keçid edir. Bu, “Kamu Dijital Özerk Çalışma Ortamı” adlanan və DAWO qısaltması ilə tanınan bir layihədir. Layihə, Hollanda tərəfindən yaradılan NixOS adlı Linux paylanması üzərində qurulub.

Minval.info xəbər verir ki, DAWO layihəsi təkcə əməliyyat sistemini deyil, həm də ofis proqramlarını, əməkdaşlıq tətbiqlərini, bulud xidmətlərini və idarəetmə vasitələrini əhatə edir. Layihənin ilk pilot tətbiqləri artıq bəzi dövlət qurumlarında həyata keçirilir və 2027-ci ildə tam istifadəyə verilməsi planlaşdırılır.

Layihənin ortaya çıxmasının səbəbi, ABŞ-ın 2025-ci ilin əvvəlində Lahey mərkəzli Beynəlxalq Cinayət Məhkəməsinə sanksiyalar tətbiq etmə qərarı ilə əlaqədardır. Bu, Hollandiyanın texnoloji asılılıq məsələlərinə diqqət yetirməsinə səbəb olub. ABŞ-ın siyasətlərinə bağlı olan xidmətlərin təsiri, Hollandiya hökumətini öz texnoloji infrastrukturunu gücləndirməyə təşviq edib.

ƏLAQƏLİ

Bunu da oxu

Texnologiyada qadın gücü: “Ctrl is hers” qalibləri üçün təlimlər başlayıb

02.10.2026 - 14:48

Hollanda hökumətinin rəsmi məlumatına görə, DAWO layihəsi ölkənin rəqəmsal müstəqilliyini artırmaq və dövlət qurumları ilə cəmiyyət arasında əməkdaşlığı gücləndirmək məqsədi daşıyır. Layihə həmçinin təhlükəsizlik və məlumatların qorunmasını təmin etməyi, yenilikləri və daha səmərəli iş proseslərini təşviq etməyi hədəfləyir.

Avropa xarici texnologiyalara asılılıq, casusluq və xarici müdaxilə riskləri yaradır. Hollanda bu riskləri azaltmaq üçün DAWO layihəsini həyata keçirir. Bu layihə, Almaniyada inkişaf etdirilən openDesk layihəsindən fərqli olaraq, yalnız dövlət üçün nəzərdə tutulub və son istifadəçilərə hazır iş mühiti təqdim etmir.