Bakıda ciddi qəza: Hərəkətdə olan avtomobil dayanmış maşına çırpıldı

Paytaxtın Nizami rayonu, Heydər Əliyev prospektində ciddi yol-nəqliyyat hadisəsi baş verib. Hava limanı istiqamətində hərəkət edən avtomobil, yolun kənarında dayanan başqa bir nəqliyyat vasitəsinə çırpılıb.

Minval.info xəbər verir ki, hadisə zamanı yolun hərəkət hissəsində dayanan avtomobilin sürücüsü tərəfindən təhlükəsizlik tədbirləri görülməyib. Bu cür hallarda, təhlükəsizlik qaydalarına əməl edilməməsi və digər sürücülərin diqqətsizliyi qəza riskini artırır.

Nəqliyyatı İntellektual İdarəetmə Mərkəzi (NİİM) bildirir ki, nasazlıq və ya digər səbəblərdən məcburi dayanma zamanı sürücülər qəza dayanma işıq siqnalını yandırmalı və nəqliyyat vasitəsindən ən azı 30 metr məsafədə qəza dayanma nişanı quraşdırmalıdır. Hərəkətdə olan bütün sürücülərin yollarda diqqətli olmaları və sürət həddinə riayət etmələri vacibdir.

ƏLAQƏLİ

Bunu da oxu

Yol polisi dəmir yolu keçidlərində təhlükəsizlik üçün xəbərdarlıq etdi

13.10.2026 - 10:24