Hamilə bloger ağaca bağlanaraq yandırıldı

Hindistanın Pəncab əyalətində 28 yaşlı sosial media fenomeni Manjeet Kaurun dəhşətli ölümü ilə nəticələnən hadisə baş verib. İyulun 3-də gecə saatlarında baş verən bu hadisədə Kaur iki tanışı tərəfindən qaçırılaraq ağır işgəncələrə məruz qalıb.

Minval.info xəbər verir ki, Kaur Çandiqarxdakı bir əraziyə görüşmək üçün çağırılıb və zorla avtomobilə mindirilərək Morinda yaxınlığındakı meşəlik əraziyə aparılıb. İddialara görə, burada gənc qadın döyülüb, tut ağacına bağlanıb və yandırılıb. Hadisə yerinə gələn şəxslərdən biri Kauru alovlar içərisində görərək üzərinə yorğan atıb və yanğını söndürüb.

Ağır yanıq xəsarətləri alan Kaur təxminən iki ay ərzində həyat mübarizəsi aparıb, lakin avqustun 26-da xəstəxanada vəfat edib. Tibbi ekspertizanın nəticələrinə əsasən, Kaur öldüyü zaman təxminən 7 həftəlik hamilə olub. Hadisə ilə bağlı araşdırma aparılır.