Güney Afrikada iki qanlı hücum: 27 ölü, 26 yaralı

Güney Afrika Respublikasının Yohannesburq şəhərinin cənub-qərbindəki Wedela qəsəbəsindəki bir barda AK-47 piyadə tüfəkləri və tapançalarla həyata keçirilən hücumda ilkin məlumatlara görə 17 nəfər həlak olub, 15 nəfər isə yaralanıb.

8 nəfərlik bir qrup tərəfindən həyata keçirilən qanlı hücumda ölənlərin 13-nün kişi, 4-nün isə qadın olduğu bildirilib. Minval.info xəbər verir ki, polis açıqlamasında 17 nəfərin hamısının hadisə yerində həyatını itirdiyi qeyd edilib. Hücumçuların, bardakı bəzi müştərilərin üzərini axtararaq mobil telefonlarını aldıqları və nömrəsi bilinməyən iki ayrı avtomobillə hadisə yerindən qaçdıqları bildirilib.

Hələ səbəbi məlum olmayan bu hücumdan sonra Güney Afrika polisi təqsirləndirilən şəxsləri yaxalamaq üçün işlərə başlayıb.

ƏLAQƏLİ

Bunu da oxu

Yol polisi dəmir yolu keçidlərində təhlükəsizlik üçün xəbərdarlıq etdi

13.10.2026 - 10:24

Digər hücumda 10 ölü, 11 yaralı

Paytaxt Keyptaunun yaxınlığındakı Lwandle bölgəsində baş verən ikinci hücumda isə silahlı şəxslərin müştərilərə atəş açaraq 10 nəfəri öldürdüyü, 11 nəfəri isə yaraladığı bildirilib.