Gömrük Komitəsinin sabiq şöbə rəisi vəfat edib - Foto

Dövlət Gömrük Komitəsinin Astara rayon şöbəsinin keçmiş rəisi vəfat edib.

Məlumata görə, 47 yaşlı İsrafil Abdullayevin iki övladı var. Mərhumun oğlu Yusif İngiltərədə, qızı isə Bakıda təhsil alır.

İ. Abdullayevin cənazəsi bu gün günorta saat 2-də Nardaran qəsəbəsində yerləşən evindən götürüləcək. O, Balaxanı qəsəbəsində yerləşən qəbiristanlıqda torpağa tapşırılacaq.

Beyin xərçəngindən əziyyət çəkən Abdullayevin son 3 gündə vəziyyəti pisləşib və o, bu gün səhər saatlarında dünyasını dəyişib.

İki il öncə səhhəti ilə bağlı öz ərizəsi ilə vəzifədən çıxıb.

Qeyd edək ki, İ.Abdullayev əməkdar artist Zöhrə Abdullayevanın oğludur.

(qafqazinfo)