Gəncənin icra başçısı Elmar Vəliyevə silahlı hücum olub - YENİLƏNİB

Gəncə İcra Hakimiyyətinin başçısı Elmar Vəliyevə silahlı hücum olub.

Minval.İnfo xəbər verir ki, APA-nın əldə etdiyi məlumata görə, icra başçısına hüquq-mühafizə orqanları tərəfindən axtarışda olan şəxs hücum edib.

Hücum nəticəsində icra başçısının mühafizəçinin yaralandığı bildirilir.

İlkin məlumata görə, E. Vəliyev hadisə nəticəsində xəsarət almayıb.

Daxili İşlər Nazirliyindən APA-ya faktı təsdiqləyiblər.

Məlumatda hücum edən şəxsin saxlanıldığı bildirilir.

Musavat.com -un Gəncədəki qaynaqları isə iddia edirlər ki, Azərbaycanın ən güclü icra başçılarından olan Elmar Vəliyevin özü də yaralıdır və hazırda Gəncədə, xəstəxanada müalicə alır.

Bəzi iddialara görə isə, onun yaralı olan mühafizəçisi keçinib.