“Gənc Liderlər üçün Yay Universiteti”nin növbəti mövsümü başa çatıb

Azərbaycan Respublikasının Gənclər Fondunun dəstəyi, “Davam” Gənclər Hərəkatının təşkilatçılığı ilə 18-22 iyul tarixləri aralığında həyata keçirilən “Gənc Liderlər üçün Yay Universiteti”nin növbəti mövsümü başa çatıb. 100 gəncin iştirak etdiyi layihənin məqsədi gənc liderlər və ictimai fəalların üzə çıxarılması, onların intellektual inkişafına nail olunması, dünyagörüşünün artırılması və asudə vaxtlarının səmərəli təşkil edilməsidir. Ümumilikdə 2 millət vəkili, 8 ekspert, 3 təlimçi layihənin qonağı olub.

“Davam”ın “Yay Universiteti”nin sonuncu günündə gənc liderlərin iştirakı ilə “Mədəni Gecə” baş tutub və proqram çərçivəsində komandalar yaradıcı formatda komanda işlərini nümayiş etdiriblər.