Fənərbağçada Sofyan Amrabat dövrü başa çatdı

Fənərbağça futbol klubu mərakeşli yarımmüdafiəçi Sofyan Amrabatla yollarını ayırıb. Klubun rəsmi açıqlamasına görə, 2024-25 mövsümündə heyətə qoşulan Amrabatla müqavilə qarşılıqlı razılaşma əsasında ləğv edilib.

Minval.info xəbər verir ki, Sofyan Amrabat ötən mövsümü İspaniyanın Real Betis klubunda keçirib. O, Fənərbağçada bütün turnirlər üzrə 45 oyunda iştirak edərək 3 qol vurub və 4 məhsuldar ötürmə edib. Futbolçunun yeni klubu hələlik açıqlanmayıb.