Xəbər verdiyimiz kimi, “Real” Federiko Valverde ilə yeni müqavilə imzalayıb. “Kral Klubu” 21 yaşlı futbolçu ilə 2025-ci ilədək müqavilə bağlayıb.

“Real” uruqvaylı ulduzun transfer qiymətini 750 milyon avro müəyyənləşdirib. Bu dəyərlə o, dünyanın ən bahalı futbolçusu olub. Bundan əvvəl ən çox sərbəst qalma qiyməti qoyulan futbolçu Lionel Messi idi. “Barselona” argentinalı ulduza 640 milyon avro qiymət qoyub.

Qeyd edək ki, “Real” Valverdeni 2016-cı ildə “Penarol”dan 5 milyon avroya alıb. Hazırda “Transfermarkt” ona 20 milyon avro qiymət qoyub. Gənc futbolçu cari mövsümdə meydana çıxdığı 12 oyunda 2 qol vurub və 2 məhsuldar ötürmə edib.