Cəbrayılda 26 yaşlı kişi mina partlayışında yaralanıb

İşğaldan azad edilmiş Cəbrayıl rayonunun Dağmaşanlı kəndi ərazisində mina partlayışı baş verib. Hadisə 2023-cü il oktyabrın 8-də qeydə alınıb.

Baku.ws-ın məlumatına görə, bu barədə Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) Mətbuat xidmətləri birgə açıqlama yayıb.

Məlumata görə, 2000-ci il təvəllüdlü Cəbrayıl rayon sakini Orxan Əşrəf oğlu Qəhrəmanov minalardan təmizlənməmiş sahədə mal-qara otararkən piyadaəleyhinə minaya düşüb. Nəticədə, Orxan Qəhrəmanov müxtəlif dərəcəli bədən xəsarətləri alıb.

ƏLAQƏLİ

Bunu da oxu

Vyanada 85 yaşlı qadına hücum edildi

08.10.2026 - 17:08

Faktla bağlı Cəbrayıl Rayon Prokurorluğunda araşdırma aparılır.

ANAMA, DİN və Baş Prokurorluq vətəndaşlara mina təhlükəsi işarələrinə diqqət yetirməyi, şübhəli əşyalara toxunmamağı, tanımadıqları ərazilərə daxil olmamağı və çəpərləmə fəaliyyəti aparılan ərazilərə müdaxilə etməməyi tövsiyə edir.